Impakaammo ni US Pres. Donald Trump a nangirusat iti Amerika ti large-scale strike idiay Venezuela kangrunaan iti kabisera ti Caracas kas paset ti kampania kotra iti gobierno ni President Nicolas Maduro.
Segun ken ni Trump, kinemmeg ti US forces ni Maduro ken asawana a ni First lady Cilia Flores ket nairuarda iti pagilian kalpasan iti operasyon.
Kinunana a nangbukel ti pwersa ti elite special forces pakairamanan ti Army’s Delta Force.
Pinasingkedanna a ti operasyon ket balligi a large-scale strike ken inawaganna a dakkel a balligi iti ruar iti pagilian.
Kinunana nga iggaman pay laeng iti Amerika iti Venezuela tapno tarabayen iti pagilian agingga masimpa ti transition iti bileg.
Saanna met nga ikkaten iti posibilidad a maaddaan iti nalawlawa a presensya ti tropa iti nasao a pagilian no kasapulan.
Innayonna a kalikagum iti US oil companies a mapan idiay Venezuela kas paset iti baro nga addang.
