Saan a maragsakan ni US President Donald Trump iti panaglabsing iti Iran ken Israel ti ceasefire deal-da.
Maipalagip a sumagmamano nga oras kalpasan nga indeklarar ni Trump nga epektibo ti ceasefire ket imbilin ni Israeli Defense Minister Israel Katz iti militarna a mangirusat ti strikes idiay Tehran kas tignay iti panagpabanto iti Iranian missiles.
Segun ken ni Trump, naglabsing ti Iran ngem uray iti Israel ket naglabsing met laeng.
Kinunana a masapulna a pagkalmaen ti Israel ta apaman a naaramid ti tulagan ket insigidada a rimmuar ken nagipabanto iti adu a bomba, dagiti bomba a saanna pay pulos a nakita iti intero a panagbiagna.
Narurod ni Trump isu a nakunana nga aglablaban dagiti dua a pagilian iti napaut a tiempo ngem saanda nga ammo iti ar-aramidenna.
