Nangirusat manen ti United States ti airstrikes kontra iti Iran iti maikapat nga agsasaruno nga aldaw a panagatakeda.
Dayta iti kinumpirmaran ti US Central Command a nangtargetanda kadagiti pasilidad a mapapati nga ar-aramaten iti Iran iti panagatake kadagiti commercial boat a dumaldalan iti Strait of Hormuz.
Kagiddan dayta ket nangipatungpal manen ti US ti naval blockade tapno lapdan ti panagserrek ken panagruar dagiti barko kadagiti pantalan iti Iran.
Segun ti maysa a nangato nga opisyal ti Iran, linabsingda ti immunan a tulagan ti dua a pagilian a temporaryo nga isardeng iti panagpinnabanto tapno ikkan ti gundaway iti patangan pangkappia iti rehion.
Kabayatanna, pinasingkedan ti Iran a tinamaan ti airstrikes iti Amerika iti sumagmamano a lugar iti asideg ti Strait of Hormuz pakairamanan ti Queshm Island, Bushehr, ken sumagmamano a lugar iti asideg tin order iti Iraq ken Kuwait.
