Intukon ti US State Department ti agingga $10 milyon a gunggona iti makaited ti impormasion mainaig iti baro a Supreme Leader ti Iran a ni Mojtaba Khamenei ken dadduma pay a nangangato nga opisial ti pagilian.
Pakairamanan pay kadagiti masapsapul ti impormasion da Iran security chief Ali Larijani, Intelligence Minister Esmail Khatib, Interior Minister Eskandar Momeni ken dua nga opisial iti opisina ti Khamenei.
Pinasingkedan ti US State Department a dagiti nadakamat nga opisial ket maipagarup nga adda akem na iti panangidaulo ti agduduma nga Islamic Revolutionary Guards Corps nga inakusaran da ti panag-plano ken panagisayangkat da ti terrorist operations iti agduduma a paset ti lubong.
Kiniddaw ti US ti sinuman nga adda impormasion na nga ipasa babaen iti secure channels kas ti Tor wenno Signal.
