--Ads--
VIGAN CITY – Nakaituding a simpaen iti Amerika ti nadadael a floating pier nga inaramidda kas temporaryo a pagnaan tapno maipaay dagiti tulong idiay Gaza.
Nadadael ti 320 million dollar a gatad ti temporary floating pier idi natamaan ti napigsa a dalluyon.
Segun ken ni Pentagon Deputy Press Secretary Sabrina Singh, ikkatendan ti nasao a pantalan ken iyakardan iti pantalan ti Ashdod idiay Israel.
Idauluan ti US Central Command ti panangsimpa iti nasao a temporary pier.
-- ADVERTISEMENT --
Maipalagip a nangrugi nga ag-operate ti nasao a pier idi May 17 ket kalpasan laeng ti sumagmamano a lawas ket nadadael ta natamaan ti napigsa a dalluyon.
