Adu a tattao iti mapapati a natay ken nasurok sangagasut iti nadunor iti napasamak nga uram ti maysa a bar iti ski resort idiay Crans-Montana, Swiss Alps, Switzerland bayat iti panagsarabo iti baro a tawen.
Segun ti Cantonal Police of Valais, napasamak iti napigsa a panagbettak gapu iti napasamak nga uram ngem awan iti indikasyon ti terorismo iti lugar.
Adu kadagiti nadunor iti nagsagaba iti nakaru a pannakasinit.
Naideploy iti sangapulo a helicopter, uppat a pulo nga ambulansya, ken 150 a rescue personnel dagiti otoridad tapno tignayan iti insidente.
Saan pay nga ammo dagiti otoridad no ania iti nagtaudan iti uram ken mapapati a saan nga explosive devise iti rason ti napigsa a panagbettak.
Malaksid dayta ket awan ti kumpirmado nga impormasyon dagiti otoridad maipanggep ti nationality ken kinasiasino dagiti biktima.
Iti agdama ket naisarra iti lugan ken nakaituding iti no-flying zone.
