--Ads--
VIGAN CITY – Im-imbestigaran dagiti otoridad nu anya iti nagtaudan ti uram idiay San Isidro, Candon City.
Segun ken ni Police Lt. Col. David Dulnuan, hepe ti Candon City Police Station, adu dagiti nagtitinnulong a nangdepdep ti uram a nangkayamkam iti pagtaengan ni Gilbert Maglente, agtawen ti tallopulo ket walo nga agnaed iti nasao a lugar.
Nu pay awan iti naisalakan ni Maglente nga alikamen da, nagasat ta awan iti nadangran iti nasao nga uram.
Malaksid iti nagtaudan iti nasao nga uram, im-imbestigaran pay dagiti otoridad nu manu iti pakabuklan a gatad dagiti nadadael a sanikua.
-- ADVERTISEMENT --
