Saan nga agbilib ni House Deputy Minority Leader ken ACT Teachers Representatives Antonio Tinio iti “Upper-middle income” status iti Pilipinas kas maibasar iti classification ti World Bank.
Impaganetget ni Tinio nga awan ti kaes-eskanna dayta ken saan a rumbeng nga ipanakkel no agtultuloy iti panagrigat dagiti mangmangged a Pilipino a ti sueldoda laeng ket P510 kada aldaw nga awan iti kagudua iti P1,312 a kasapulan a living wage.
Kayat pay a maammoan ni Tinio no ti bulsa dagiti kapitalista wenno kadagiti kurakot wenno sadino iti napanan ti ibagbaga ti World Bank a panagdakkel ti ekonomia iti pagilian nga avetage 5.8 percent kada tawen ta saan met a marikna dagiti mangmangged.
Kinuna ni Tinio a ti kasapulan ket ti pudno nga economic a panagdur-as, nga amin a mangmangged ket makasapsapul iti living wage ken adda access iti basic services.
