VIGAN CITY – Sangagasut ket innem a baro a kaso ken uppat iti nainayon a pimmusay gapu iti covid 19 iti Ilocos Sur a nangitundaan iti 5,306 a confirmed case ken 93 covid-19 related-death.
Kaaduan a nairekord ket manipod ili ti Sta. Maria ta sangapulo ket tallo iti nainayon, sag-siam iti ili ti Sinait, San Vicente ken Sto. Domingo, walo iti Sta. Lucia, pito idiay Gregorio del Pilar, sag-innem iti ili ti Caoayan, Bantay ken Magsingal.
Sag-lima iti ili ti Sta. Catalina ken siudad ti Vigan, sag-uppat iti siudad ti Candon ken ili ti Cabugao, sag-tallo idiay Santiago, San Juan ken Santa, dua idiay Tagudin, ken saggaysa manipod San Ildefonso, Quirino, Salcedo ken Nagbukel.
Manipod iti nasurok sangagasut a nainayon ket uppat iti pimmusay ta dua manipod ili ti Caoayan ken saggaysa iti Sta. Lucia ken siudad ti Vigan.
Kabayatanna, sangapulo ket siam iti baro a nalaingan iti covid-19 iti probinsia isu nga umaboten ti 4,302 iti total recovered idinto a siam a gasut sangapulo ket maysa iti active cases.
