VIGAN CITY – Nakemmeg idiay Barangay Barbarit, Magsingal ni Drexter Pilorin, agtawen iti duapulo ket pito a taga-Barangay Dirdirig, Burgos gapu iti kasona a Qualified Theft.
Ti warrant of arrest na ket napermaan ken imparuar ni Hon. Isagani Gomez Calderon, Presiding Judge iti RTC First Judicial Region, La Trinidad, Benguet, napetsaan iti March 8, 2022 ken nailatang ti PHP40,000 a pyansa para ti temporaryo a pannaka-wayawayana.
Idiay Barangay Immayos Norte, San Juan met a nakemmeg ni Mike Angelo Raquepo, agtawen iti sangapulo ket walo a residente iti nasao a lugar gapu iti kasona a Robbery.
Imparuar ni Hon. Homer Jay Dumlao Ragonjan, Presiding Judge iti RTC Branch 24, First Judicial Region, Cabugao, napetsaan iti March 15, 2022 ken nailatang ti PHP72,000 a pyansa para ti temporaryo a pannaka-wayawayana.
Ni Alexis Cervania, agtawen iti tallopulo ket lima a taga-Barangay, Turod, Narvacan ket nakemmeg gapu iti kasona a Reckless Imprudence Resulting to Damage to Property.
Ti warrant of arrest na ket imparuar ti Acting Presiding Judge iti MTC 1st Judicial Region, Bantay, a napetsaan iti March 14, 2022 ken nailatang ti PHP36,000 a pyansa para ti temporaryo a pannaka-wayawayana.
Kabayatanna, ti met Top2 municipal level wanted person a ni John Elmer Valledor Sarmiento, agtawen iti sangapulo ket siam a taga-Barangay Camanggaan, San Juan ket nakemmeg gapu iti kaso a Robbery.
Nairuar ti warrant of arrest-na babaen ken ni Hon. Homer Jay Dumlao Ragunjan, Presiding Judge iti RTC Branch 24, First Judicial Region, Cabugao, napetsaan iti March 15, 2022 ken nailatang ti PHP72,000 a pyansa para ti temporaryo a pannaka-wayawayana.
