Uppat iti nakemmeg gapu iti panagay-ayamda iti mahjong idiay Barangay San Antonio, Narvacan.
Segun ti Narvacan Municipal Police Station, nakaawatda ti impormasyon manipod iti maysa a concerned citizen mainaig iti panagsusugal dagiti suspek isu nga insayangkatda iti anti-illegal gambling operation a gappuanan ti pannakaakto dagiti otoridad iti panagmamahjong dagiti suspek.
Naala kadakuada iti maysa a kompleto a set iti Mahjong tiles, uppat dice, sangapulo ket lima a plastic chips, uppat a plastic monoblock a tugaw, maysa a kayo a lamisaan, ken kuarta a P1,119.
Naipan dagiti nakemmeg iti Ilocos Sur District Hospital – Narvacan para ti medical examination ken insigida a naiyakar iti Narvacan Police Station karamanen dagiti ebidensya a naala kadakuada para iti proper documentation ken legal processing.
