VIGAN CITY – Uppat a most wanted person ti kinemmeg dagiti pannakabagi ti linteg idiay Barangay Cameztizoan, Sto. Domingo gapu iti kaso a panangrames.
Uppat a bilang ti kaso a rape ken Lascivious ti sangsangwen ti Top 1 Most Wanted Person Municipal Level a ni Carl Patrick Pasalbo, agtawen iti duapulo ket innem, awan iti nai-rekomenda a pyansa, ken P180,000 pesos ti nairekomenda para ti kaso na a Lascivious Conduct.
Top 2 Most wanted person iti Municipal level ni John Romar Mayo Rubi, agtawen iti duapulo ket maysa, HVI PDEA Target List, ken newly recommended ti Baclig-Sarsi Drug Group.
Top 3 Municipal Level a ni Miguel Gabriel Tabrilla Labor, agtawen iti sangapulo ket walo, ken Top 4 Provicial Level a ni Zedy Fontanillas Ulibas, agtawen iti sangapulo ket siam, iti sumangsango ti uppat a bilang ti Statutory Rape awan ti nairekomenda a pyansa ken nairuar ti warrant of arrest da babaen tiActing Presiding Judge, First Judicial Region Branch 7 Vigan City a napetsaan ti March 16, 2023.
Iti pannaki-uman ti Bombo Radyo Vigan kenni Police Captain Medel Perinion ti Sto. Domingo Police Station, nai-report kadakuada ti napasamak a panangrames ti Top 1 idi September 14,2022, idinto iti napasamak a gang rape ket idi October 18,2022.
Agtawen iti sangapulo ket lima ti nagbalin a biktima ti gang rape, a mapapati a rinames ti uppat a lallaki.
Inamin ti biktima a nagiinumda idi iti balay ti maysa a suspek, ket idi agkakapsut isunan, ginundawayan dagiti suspek a rinames.
Nagmensahe met ni Perinion kadagiti nagannak a bantayanda a nalaing dagiti annakda, ken no awan iti naisisita a papanan dagiti annak iti rabii, saandan a palpalubosan a rumwar, ta maliklikan ti nakam-ames a pasamak.
