Impasigurado ti maysa a legal strategist a patas dagiti uppat a retirado a huwes ti Korte Suprema nga agserserbi a legal advisers iti voting threshold ti impeachment trial ni Bise Presidente Sara Duterte.
Dinayaw ni Atty. Dan Cartagena ti pannakapili dagiti retirado a Chief Justices Artemio Panganiban, Reynato Puno ken Hilario Davide Jr., ken retirado Associate Justice Rodolfo Azcuna gapu ta awan kano ti nalawag a political bias-da iti nasao a banag.
Impapilit ni Cartagena a rumbeng a suroten ti Senate Impeachment Court ti probision ti Konstitusion a kasapulan ti dua a kakatlo a butos dagiti amin a senador tapno makombiktaran ti maysa nga opisial.
Impakdaarna a saan koma nga usaren a pagbatayan ti espekulasion a mabalin a saan a makabutos ti dadduma a senador a saan a makaatender iti impeachment trial.
