VIGAN CITY – Kinumpirmaran ni Governor Ryan Singson nga addan ti uppat a pimmusay a Person Under Investigation ditoy probinsya ngem kinunana a maiyur-uray paylaeng ti resulta nu ania ti puon ti nakatayanda.
Segun ken ni Singson, nu maduktalan a positibo ti COVID- 19 dagiti uppat a natay a PUI ket mangisayangkat da ti contact- tracing ken i-lockdown da dagiti lugar a pagnanaedan dagiti nasao a pasyente tapnu nalaka laeng a ma-contain ti virus ket saanen nga agwaras pay iti sabali a lugar ken tapnu maamuan nu siasino dagiti nakapulapol da.
Inpasigurado ti gobernador a tumulong ti provincial government iti gastos iti pannakai-cremate dagiti bangkay dagiti uppat a PUI a pimmusay tapnu saan a madagsenan iti pamilya dagiti pasyente.
Agtaltalinaed a maysa pay laeng iti kumpirmado a kaso ti COVID- 19 ditoy probinsiya ta ti resulta ti COVID- 19 testing dagiti uppat a PUI ket negatibo idinto a maiyur-uray pay laeng iti resulta ti sangapulo ket tallo a PUI a naidalan ti testing.
Kabayatanna, gumatang ti provincial government ti rapid test kits babaen iti suweldo ti gobernador nga indonar na kas precautionary measure laeng uray nu saan nga ipalubos ti Department of Health iti panagaramat ti rapid test kit.
