--Ads--
VIGAN CITY – Maysa a suspek ti nakemmeg ket tallo a kadduana ti nakalibas a nagsusugal idiay Brgy. Baritao, Tagudin.
Nabigbig ti nakemmeg a ni Jayson Fernandez Lacasandile agtawen tallopulo ket pito, naasawaan, mannalon ken agnaed ti Brgy. Tallaoen.
Basar ti report manipod Tagudin Municipal Police Station, inwayatda ti anti illegal gambling operation a nakekemmegan ni Lacasandile ngem nakalibas dagiti tallo a kadduana nga agayayam ti Pusoy.
Dua ribo sangagasut pitopulo a pisos ti naala a kwarta a pusta ken sangapulo ket tallo a piraso ti baraha ken iti agdama maisagsaganan ti kaso a panaglabsing ti Presidential Decree 1602 wenno anti-illegal gambling kontra ti suspek.
-- ADVERTISEMENT --
