--Ads--
VIGAN CITY – Uppat a nagsusugal ti nakemmeg iti naiwayat nga Anti -Illegal Gambling operation idiay Brgy. Aquib, Narvacan.
Nabigbig dagiti suspek a da Arvin Arreola, agtawen iti tallopulo ket walo, Jimmy Tapec, agtawen iti tallopulo ket maysa, Raymud Laed, agtawen iti tallopulo ket innem ken ni Renato Gasmen, agtawen iti limapulo ket siam nga agpapada a taga-Brgy. Aquib.
Naaktuan dagiti suspek a nagaayam iti Pusoy ket naala kadakuada ti maysa a set ti baraha, planggana, tallo a tugaw ken PHP710 a pusta.
Nakakustodian iti Narvacan Police Station dagiti suspek tapno sangwenda ti kaso a panaglabsing iti Presidential Decree 1602 wenno Anti-Illegal Gambling Act.
-- ADVERTISEMENT --
