VIGAN CITY – Uppat ti nakemmeg a nagsusugal babaen iti pannakaiwayat ti anti-illegal gambling operation idiay Barangay Ayusan Norte, Vigan City, Ilocos Sur.
Nabigbig dagiti suspek a da Imelda Flores Rapacon, agtawen iti uppat a pulo ket maysa, taga-Ayusan Norte, Vigan City; Joel Lavaro Raboy, agtawen iti uppat a pulo ket lima, taga-Barangay Pantay Fatima, Vigan City; Irene Arabe Dela Cruz, agtawen iti uppat a pulo ket innem, taga-Barangay Ayusan Norte, Vigan City; ken ni Jocelyn Carmelo Rapacon, agtawen iti limapulo ket innem, taga-Barangay Ayusan Norte, Vigan City.
Nakumpiskar ti maysa a set ti baraha ken pusta a PHP1,205.
Saanen a naipakaammo no ania ti inay-ayam dagiti suspek.
Sangwen dagiti suspek ti kaso a panaglabsing iti Presidential Decree 1602 wenni Anti-Illegal Gambling Act.
