Uppat a nagsusugal iti siudad ti Candon, nakemmeg

VIGAN CITY – Uppat ti kinemmeg dagiti kameng ti Candon City Police Station iti insayangkatda nga anti-illegal gambling operation idiay Brgy. San Nicolas, Candon City.

Nabigbig dagiti suspek a da Estrelita Molina Gacutan, agtawen iti limapulo ket walo, Conrado Gabor Della, agtawen iti limapulo ket lima, Luz Añonuevo Gabuyo, agtawen iti lima pulo ket walo,  Evelyn Gagto Casillan, agtawen iti limapulo ket tallo, agpapada a residente iti nasao a lugar.

Naaktuan dagiti suspek nga agay-ayam da ti “Pusoy-Dos”, a nagresultaan ti pannakumpiskar kadakuada ti pusta a PHP270.00, ken baraha.

Kaso a panaglabsing iti Presidential Decree 1602 wenno Anti Illegal Gambling Act ti posible a kaso a sangwen dagiti suspek.