--Ads--
VIGAN CITY – Uppat ti nakemmeg a nagsusugal babaen ti naiwayat nga Anti-Illegal Gambling operation idiay Barangay Nagtengga, Sta. Cruz.
Nabigbig dagiti suspek a da Albert Javillo Afalla, agtawen iti duapulo ket pito, mannalon; Robert Javillonar Javinar, agtawen iti uppat a pulo ket walo; Herminigildo Jallorina Javinar Jr., agtawen iti limapulo ket siam, agpapadada a mannalon ken agnaed iti Barangay Nagtengga; ken ni Pacquito Garnace Jamandra, agtawen iti tallopulo ket lima, drayber, agnaed iti Barangay Sagat, Sta. Cruz.
Naaktuan dagiti suspek nga agaayam iti Pusoy iti nataya ket naala kadakuada ti pusta a PHP565.
Nupay kasta, sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.
-- ADVERTISEMENT --
