VIGAN CITY – Uppat ti nakemmeg a nagsusugal babaen ti naiwayat nga anti-illegal gambling operation idiay Barangay Cabaroan, Sta. Catalina.
Nabigbig dagiti suspek a da Kevin Paz Pascual, agtawen iti duapulo ket walo, taga-Barangay Solid West, Vigan City; Reynaldo Laurente, agtawen iti limapulo ket uppat, mannalon, taga-Cabusligan, Bantay; Anastacio Dolatre Rapadas, agtawen iti limapulo ket siam, mannalon; ken ni Jesus Rafal Racadio, agtawen iti pitopulo ket tallo, agpada a taga-Cabaroan, Sta. Catalina.
Naaktuan dagiti suspek nga agaayam iti Lucky 9 iti natayan ket naala kadakuada ti baraha, ken pusta nga aggatad iti PHP8,110.
Nupay kasta, sangwen dagiti suspek iti kaso a panaglabsing iti Presidential Decree 1602 wenno ti Anti-Illegal Gambling Act.
