VIGAN CITY – Nakemmeg dagiti uppat a nagsusugal idiay Barangay Poblacion Sur, Santiago babaen ti naiwayat nga anti-illegal gambling operation.
Nabigbig dagiti suspek a da Jeffer Elaydo, agtawen iti tallopulo ket innem, agnaed iti Barangay Cappa-Cappa, San Esteban; Rodrigo Damiel Dumalanta, agtawen iti tallopulo ket innem, agnaed iti Barangay Mambug, Santiago; Mark Lester Andrada Ducusin, agtawen iti tallopulo ket pito, taga-Barangay Ilocano Sur, San Fernando City, La Union; ken ni Jomar Valdez Naungayan, agtawen iti tallopulo, agnaed iti Barangay Poblacion, Santiago.
Naaktuan dagiti suspek nga agaayam iti Pusoy Ds iti natayan ket naala kadakuada ti PHP10,245 a pusta, baraha, lamisaan ken lima a tugaw.
Nupay kasta, sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.
