VIGAN CITY – Uppat iti nakemmeg gapu iti panagsusugalda idiay Brgy. Puro, Magsingal.
Dagiti suspek ket da Marvin Zamora Galapon, naasawaan, agtawen ti tallopulo ket dua, construction worker nga agnaed idiay Brgy. Miramar, Magsingal; Jessa Rotor Tabucol, naasawaan, agtawen ti duapulo ket tallo, kahera nga agnaed idiay Poblacion San Vicente, Ilocos Sur; Honey Taal Caacbay, agtawen ti sangapulo ket walo, estudyante nga agnaed idiay Brgy. Puro, Magsingal; ken Cristina Dela Cruz Alvarez, agtawen iti tallopulo ket pito nga agnaed idiay Brgy. Manzante, Magsingal.
Iti insayangkat nga anti-illegal gambling operation dagiti kameng ti Magsingal Police Station ket nakemmeg dagiti suspek a naaktoan iti panagay-ayamda iti Lucky 9 iti natayan.
Iti agdama, addaan dagiti suspek ti kustodiya dagiti pannakabagi ti linteg tapno sangwenda ti kaso a maipila kontra kadakuada.
