VIGAN CITY – Panaglabsing iti Presidential Decree 1602 wenno ti Anti-Illegal Gambling Act ti sangwen dagiti uppat a nagsusugal idiay Brgy. Puro, Magsingal.
Nabigbig dagiti suspek a da Daniel Mangahas, agtawen iti duapulo ket maysa; Philip John Talapian, agtawen iti duapulo ket lima; Danny Boy Tindoc, agtawen iti sangapulo ket walo ken ni John Loyd Talapian, agtawen iti duapulo nga agpapada a taga-Brgy. Puro.
Nangiwayat ti Magsingal Police Station iti anti-illegal gambling operations ket naaktuan dagiti suspek nga agaayam iti Pusoy Dos iti kubo a puon ti pannakatiliwda.
Naala manipud kadagiti suspek ti maysa a set ti baraha, maysa a piraso iti matting, lamisaan, tugaw ken pusta a PHP1,046.
Naipan iti Magsingal Police Station dagiti suspek pakairamanan dagiti ebidensya a naala kadakuada tapno maidalan iti husto a proseso.
