VIGAN CITY – Panaglabsing iti Presidential Decree 1602 wenno Anti-Illegal Gambling Act ti sangwen dagiti uppat a natiliwan a nagsusugal idiay Barangay San Jose, Santiago.
Nabigbig dagiti suspek a da Marilyn Supnad, agtawen iti innem a pulo ket tallo; Julius Guzman, agtawen iti uppat a pulo ket lima; Norma Antonio, agtawen iti limapulo ket lima; ken ni Erwin Escudero, agtawen iti uppat a pulo ket lima, agpapada nga agnaed iti nasao a lugar.
Nangiwayat dagiti pannakabagi ti linteg iti Santiago Municipal Police Station iti anti-illegal gambling operation ket naaktuan dagiti suspek nga agaayam iti mahjong.
Naala kadakuada ti maysa a set ti mahjong tiles, maysa a lamisaan, uppat a tugaw, ken PHP980 a pusta.
Naipan dagiti suspek iti Santiago Police Station pakairamanan dagiti naala kadakuada nga ebidensya tapno maidalan iti husto a proseso.
