VIGAN CITY – Uppat ti nakemmeg idinto a maysa ti nakalibas a nagsusugal iti natayan idiay Barangay Villamar, Caoayan, Ilocos Sur.
Nabigbig dagiti suspek a da Keith Daryll Lucendo Adoc, agtawen iti duapulo ket pito ken ni Randolf Alvares Arce, agtawen iti tallopulo ket uppat, taga-Barangay Pantay Tamurong, Caoayan.
Nakemmeg pay da Arthur Llanes Agayan, agtawen iti limapulo ket walo, construction worker ken ni Ayel Quillopo Quibuan, agtawen iti tallopulo, taga-Barangay Villamar, Caoayan.
Ti met nakalibas ket ni Mike Ragunjan, agtawen iti duapulo ket uppat, taga-Barangay Villamar.
Naaktuan dagiti suspek nga agaayam iti dado ket naala kadakuada ti pusta a PHP14,173, dua a dice, maysa a bamboo tube, pot cover, 131 a piraso ti chips iti nadumaduma a kolor.
Nupay kasta, sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.