VIGAN CITY – Uppat a lugan ti dinungpar ti maysa a Toyota Hi-ace iti maysa a paggasolinaan idiay Barangay Sta. Lucia, Narvacan.
Ti Toyota HiAce ket minaneho ni Freddie Sotelo Laoan, agtawen iti limapulo ket tallo, agnaed iti Barangay Dasay, Narvacan.
Ti met Honda City ket minaneho ni Emmanuel Salgado de Leon, agtawen iti tallopulo, agnaed iti Barangay Dirdirig, Burgos.
Kabayatanna ti met Honda TMX tricycle a minaneho ni Juan Molina Antolin, agtawen iti pitopulo ket dua, agnaed iti Barangay San Pablo, Narvacan.
Dagiti met dua pay a motorsiklo a nairaman kt ti Suzuki Smash ket minaneho ni Joveline Cabello Barreto, agtawen iti uppat a pulo ket dua, agnaed iti Barangay Orence, Narvacan idinto a ti Yamaha NMAX ket minaneho ni Marco Tiri Gonzales, agtawen iti uppat a pulo ket lima, agnaed iti Barangay Manzante, Magsingal.
Maibasar iti CCTV footage, kalkalpas ti Hiace a nagpagasolina idin ta akisente a nabaddekan ti drayber ti silinyador ket natukbobna dagiti uppat a lugan nga adda iti aglawlaw ti gasolinaan.
Nupay kasta, naipaagas iti ospital ti nagmaneho iti kotse idinto a dagiti dadduman a drayber ket saandan a naan-ano.
