VIGAN CITY – Panaglabsing iti Presidential Decree 1602 iti sangwen dagiti uppat a lallaki kalpasan a nagay-ayamda iti egg cracking game wenno tinnoktok iti sangwanan iti St. John de Baptist Church, Brgy. San Lira, San Juan.
Segun ti San Juan Municipal Police Station, dagiti suspek a nakammeg ket da Marlon Guzman Quinto, agtawen iti tallopulo ket innem, construction worker nga agnaed idiay Brgy. Resurrecion; Arnel Torda Pambid, agtawen iti uppat a pulo ket pito, naasawaan nga agnaed idiay Brgy. Lira; Rogelio Racadio Torda, agtawen iti limapulo ket innem, naasawaan, STL collector nga agnaed idiay Brgy. Lira; ken Ian Villamar Villaluz, agtawen iti tallopulo ket tallo, naasawaan, construction worker nga agnaed idiay Brgy. Lira iti ili ti San Juan.
Nagresponde dagiti kameng ti San Juan Police Station iti report nga adda iti nagsusugal iti nasao a lugar a nagresultaan iti pannakakemmeg dagiti suspek ta naaktoanda iti panagay-ayamda iti “tinnoktok” nga adda iti kuarta a nainaig ket naala kadakuada iti P3,050 a kuarta ken dua a piraso iti itlog.
Kabayatanna, addan iti kustodiya dagiti pannabagi ti linteg dagiti suspek pakairamananen dagiti naala kadakuada tapno dumalan iti husto a proseso.
