Uppat a kalding, natay gapu iti mapapati a panangkagat ti aso

Uppat a kalding a taraken da Lydia Villegas Sunio a taga-Barangay Salapasap, Cabugao ti natay gapu iti maipagarup a panangkagat dagiti aso.

Iti pannaki-uman ti Bombo Radyo Vigan ken ni Sunio, itay alas dyes iti agsapa ket nasarakanda laengen dagiti tarakenda manipud iti nakaiwaywayanna a nataydan.

Dua kadagiti kalding ti ulo ken sakana laengen ti adda idinto a dagiti dadduma ket nagudwa ti baginan.

Nupay kasta, ipampanawaganna kadagiti agtartaraken kadagiti aso nga igalutda ta saanda a makaperwisyo.