VIGAN CITY – Kiniddaw ni Greg Ballocanag, taga-Casilagan, Sta. Cruz kadagiti nakakita iti mapukpukaw a kaldingna nga ipakaammo kenkuana.
Iti pannaki-uman ti Bombo Radyo Vigan ken ni Ballocanag, uppat a kaldingna ti mapukpukaw a ti tallo kadakuada ket masikug ken agdagup iti PHP28,800 ti gatad dagiti kalding.
Insalaysayna a binigat ti apanna panangkita kadagiti kaldingna idin ta idi naminsan nga aldaw nga apanna panangkita ket awanen a masarakanna dagiti kalding iti paset a nangiwaywayanna.
Saan laeng pay nga isuna ti napukawan iti lugarda ta uray dagiti karrubana ket napukawan met laeng iti tarakenda a kalding.
Gapu dayta, ipakpakaasina a no adda man agilako iti kalding ket ipakaammoda kenkuana wenno iti Bombo Radyo Vigan tapno matakuatan no daytoy ket ti mapukpukaw a kukuana.
