Uppat a gasut nga ubbing a naabuso kadagiti care homes idiay Malaysia, naisalakan dagiti otoridad

Nasurok nga uppat a gasut nga ubbing ti naisalakan dagiti autoridad idiay Malaysia manipud kadagiti care homes a mapapati a nangabuso kadakuada, physically ken sexually.

Segun kenni Police inspector-general Razarudin Husain, dagiti ubbing ket agtawen iti maysa agingga sangapulo ket pito.

Ti panag-raid da ket nakemmegda ti 170 a tattao a pakairamanan ti Islamic religious teachers, ken caretakers kadagiti welfare homes idiay Selangor ken Negri Sembilan.

Maibasar ti initial investigation, dagiti biktima ket sexually abused babaen kadagiti caretakers ken napilitanda pay a mangabuso kadagiti dadduma nga ubbing.

Iti agdama, temporario a maipan dagiti ubbing iti police training center idiay Kuala Lumpur tapno dumalanda pay iti check-up.