Uppat a mapapati a biktima ti human trafficking ti naisalakan idiay Ninoy Aquino International Airport Terminal (NAIA) 1 segun ti Bureau of Immigration (BI).
Segun ti Bureau of Immigration, dagiti naisalakan ket agtawen iti duapulo ket walo, tallopulo ket maysa, tallopulo ket lima, ken uppat a pulo ket tallo a nangamin nga agkakatrabahoan ket agturongda idiay Hong Kong nga agbakasyon.
Gapu iti saan nga agsusurot a saritada ket inrefer ti immigration officers iti maikadua nga inspeksyon a nangibutaktakanda nga inikkan ida ti maysa travel agent kadagiti peke a dokumento.
Segun ken ni Bureau of Immigration Joel Anthony Viado, tallo kadakuada ti datin nga illegal a nagtrabaho kas entertainer iti sabali a pagilian.
Inamin met ti maysa a nagbiahe nga ileghal babaen ti bassit a bangka iti southern Philippines tapno maliklikan ti immigration procedures.
Innayon ni Viado nga inamin dagiti biktima a nagbayadda iti P30,000 iti travel agency a nangipaay kadagiti peke a dokumento.
