--Ads--
Nagkakadua dagiti uppat a barko ti Philippine Coast Guard iti Escoda Shoal iti paset idiay Palawan.
Segun ken ni PCG Spokesperson for the West Philippine Sea Commodore Jay Tarriela, tallo a 44-meter multi-role vessel ti nagsardeng karamanen ti BRP Teresa Magbanua kalpasan ti resupply mission da iti dadduma a paset ti West Philippine Sea.
Kinunana a dakkel a banag a makita ti bandera iti Piipinas iti kabaybayan ta mangipakita ti agtultuloy a panangipaganetget ti karbengan ti pagilian iti nasao a teritoryo.
Nakadeploy ti BRP Teresa Magbanua iti Escoda Shoal tapno bantayan dagiti ilegal nga aktibidad ti China iti matagtagikua a paset ti kabaybayan.
-- ADVERTISEMENT --
