VIGAN CITY – Inruar ti Provincial Government of Ilocos Sur ti Updated Travel Requirements para iti General Community Quarantine with Heightened Restrictions nga epektibo idi kalman October 17, 2021.
Maibasar ti Executive Order No. 111, nakailanad a dagiti Authorized Person Outside Residence wenno APOR a worker ket kasapulanda iti Official Travel Order; kadagiti maaddaan ti medical check-up ken dadduma pay a medical concern ket masapul ti medical appointment; iti panangibiahe iti bangkay ket kasapulan ti death certificate of deceased; idinto a ti Health and emergency Services ken Duly Authorized Humanitarian Actors ket kasapulan nga addaan ti company ID para kadagiti worker wenno Government issued ID para kadagiti non-work related APOR, negatibo nga antigen test a naala ti uneg ti duapulo ket uppat nga oras sakbay ti panagserrek ket nu dumaldalyasat ti border maminsan kada lawas ket valid ti test iti pito nga aldaw, ken masapul pay ti S-Pass.
Para kadagiti Returning Resident, dagiti laeng essential nga agawid wenno indispensable travel iti dadduma a probinsia ken awanen ti sabali pay a lugar ti papananna ket kasapulan nga ipakitada ti valid ID, LGU acceptance/Coordination, negatibo nga antigen test a naala ti duapulo ket uppat nga oras sakbay ti panagserrek ken S-PASS.
Kadagiti Passerby ket maspaul nga agipakita ti valid ID, proof of designation ken delivery receipts para iti kargo.
Para kadagiti cargo wenno delivery truck nga agideliber iti essential goods ket masapul ti company ID, delivery receipt, S-PASS, negatibo nga antigen test a naala ti uneg ti duapulo ket uppat nga oras sakbay ti panagserrek ket nu agdalyasat maminsan kada lawas ket valid iti pito nga aldaw.
Kadagiti Returning Overseas Filipino (ROF) Masapul ti ID, Certificate manipod Bureau of Quarantine, S-PASS, negatibo a RT-PCR test a nairuar ti uneg ti pitopulo ket dua nga oras wenno negatibo nga antigen a naala ti duapulo ket uppat nga oras.
Kabayatanna, kadagiti turista wenno bumisita ket rumbeng nga agtalinaed laeng iti agpatnag iti probinsia ngem kasapulanda pay nga agipakita ti valid ID, Tara Na Travel Request ken QR CODE, DOT Accredited Travel Agency wenno hotel booking confirmation ken negatibo nga antigen test a naaala ti uneg ti duapulo ket uppat nga oras sakbay ti panagbiahe.
