--Ads--
VIGAN CITY — Naannayasen dagiti amin a transaksiyon iti gobierno ken iti pribado a sektor kangrunaan na iti benneg ti neggosyo idiay Abra kalpasan a naisublin ti naan- anay a supplay ti koryente babaen iti Abra Electric Cooperative iti intero a probinsiya.
Segun met kadagiti negosyante, saan dan nga agdandanag a mabalin a adadael dagiti lako da ken dadduma pay a transaksiyon da gapu laeng ti kaawan iti koryente.
Maipalagip a nagipatungpal ti ABRECO iti rotational brownout kalpasan a nadadael dagiti tallo nga Industrial Automatic Voltage Regulator ken sumagmamano a feeders idi December 30, 2016
