VIGAN CITY – Blangko pay laeng dagiti otoridad nu anya iti rason wennu motibo iti pannakapapatay ni Alex Lagmay nga agtawen ti uppat a pulo ket lima a dati a kameng ti Philippine National Police (PNP) ta napaltugan idi alas dose kwarenta y singko iti male midi January 5 idiay Barangay Poblacion Este, Sta. Cruz.
Dayta ket agsipud ta saan a kayat iti pamilya ti biktima iti mangted iti aniyaman nga impormasyon nga ammo da inaig iti napasamak a krimen a kas pinasingkedan ni Police Captain Roger Baling-oay, hepe ti Sta. Cruz municipal police station.
Nu pay kasta, inpasigurado ni Baling-oay nga agtultuloy iti panagimbestigar da iti krimen tapnu maamuan nu siasino iti akin-aramid.
Personal a rason ken posible a konektado iti dati a trabaho na kas kameng ti PNP iti kitkitaen dagiti kameng ti Sta. Cruz PNP a posible nga anggulo iti krimen.
Agawid kuman ti biktima iti pagtaengan da idi pinaltugan dagiti saan pay nabigbig a suspek a poon iti nakatayan na ta nagsagaba ti sangapulo a tama iti paltog iti naduma-duma a paset iti bagi na.
Ti biktima ket naidestino idi idiay Batangas isu a makikinkinnammayeten dagiti kameng ti Sta. Cruz PNP kadagiti otoridad iti nasao a lugar tapnu amuen da iti record ti biktima a posible a makatulong iti imbestigasyon da.
