--Ads--
VIGAN CITY – Saan pay laeng a naduktalan dagiti kameng ti Bureau of Fire Protection – Candon City nu anya iti nagtaudan iti apoy a nagkayamkam iti kabanbantayan idiay Bagani Campo, Candon City idi February 18.
Segun ken ni Fire Senior Inspector Elmer Capuyan, mangidaulo ti BFP- Candon City, maysa nga oras a dinepdepdep da iti nasao nga uram kadua da dagiti naggapu ti sabali a fire station nga asideg idiay Candon City kasta payen dagiti agindeg iti nasao a lugar.
Mapatta-patta nga umabot ti walo gasut agingga siam a gasut nga square meter iti kalawa iti nauram a paset iti kabanbantayan.
Mainaig dayta, manarimaan pay laeng iti naun-uneg nga imbestigasyon dagiti otoridad inaig iti nasao a pasamak.
-- ADVERTISEMENT --
