VIGAN CITY – Nagpapatangen ti dua a nga agsinnumbangir a grupo inaig iti napasamak a pannaksagid ti PUV iti maysa a motorsiklo idiay Brgy Sabuanan , Sta Lucia a nakatayan ti maysa a lalaki.
Iti pannakiuman ti Bombo Radyo Vigan kenni PMAJ Alex Baysic Hermogeno, Officer in Charge ti Sta Lucia PNP, dayta ket maigapu ta naibilang nga aksidente ti napasamak.
Maipalagip a dead on arrival ti senior citizen a ni Freddie Bautista Portela, agtawen iti innem a pulo ket maysa, naasawaan, mannalon nga agnaed idiay Sitio Guimod, Brgy. Rubio, Galimuyod idinto a ti nagmaneho iti PUV ket ni Pedro Pablo Orteza, agtawen iti uppat a pulo ket walo, naasawaan nga agnaed idiay Brgy. Bungol, Balaoan, La Union.
Agpada nga agturong iti bagatan a direksyon dagiti dua a lugan idi nag-over take ti PUV iti motorsiklo ngem mapapati nga agbangki-bangking ti panagmaneho ni Bautista a puon iti pannakasagidna.
Innayon ni Hermogeno a naitupa ti ulo ti biktima idi nadisgrasya ken nakapasar ti ado a dunor iti naduma duma a paset ti bagi na nga isu iti puon ti nakatayanna.
Inaig dayta, nagbalakad ni Hermogeno kadagiti amin a motorista nga agannad, sumurot iti paglintegan tapno maliklikan ti aniaman nga aksidente
