VIGAN CITY – Kaso a Reckless Imprudence Resulting to Homicide and Damage to Property ti naipilan a kaso kontra ti nagmaneho iti 22-wheeler truck a ni Jenry Sinlao, agtawen iti uppat a pulo ket dua a taga-Valenzuela a nakadisgrasyaan ken nakatayan ni Freedom Castaneda, agtawen iti duapulo ket siam a taga-Bulala Norte, Vigan City, drayber ti motorsiklo.
Segun ken ni P/Lt. Alberto Ramos Jr., nakasagana ti pamilia ti biktima a kasoan ti drayber ti trak.
Maipalagip nga agbwelbwelta ti drayber ti 22-wheeler truck iti highway ta mapan koma aggasolina idin ta saan a nakita ti napaspas ti tarayna a motorsiklo ket nadungparna a puon ti pannakaipurwakna.
Nadunor ti nadumadua a paset ti bagi ti drayber ti motortsiklo a naipaagas iti Northside Doctors Hospital, Guimod, Bantay ngem naideklarar a dead on arrival.
