VIGAN CITY — Saan a nagustuan dagiti sumagmamano a negosyante a nakapuwesto iti Plaza Burgos ti siyudad ti Vigan ti panangiparit ti gobierno lokal nga aglako da inton maisayangkat ti Miss Universe fashion show inton dominggo, Enero 15.
Dagiti apektado iti daytoy a pammilin ket dagiti aglaklako iti empanada, sinanglaw ken dadduma pay ta segun kadakuada ket dayta laeng koma a gundaway a makalako da manen iti dakdakkel agsipud ta patienda nga adunto ti tao a mapan agbuya.
Maawatan met dagiti dadduma a negosyante ti direktiba ta para iti seguridad daytoy dagiti kandidata nangruna ket ti empanada area ket iti sakup ti Plaza burgos.
Immunan a kiniddaw ti city government a temporaryo nga agserra dagiti tienda iti nasao a lugar inton dominggo kalpasan a kiniddaw daytoy dagiti organizers ken kapulisan para iti naing- inget a seguridad.
Kabayatan na, maisayangkat ti maudi a dry run inton sabado.
