--Ads--
VIGAN CITY – Kidkiddawen ni Ariel Fabro, asawa ni Jonalyn Ecraela Fabro, iti tulong ti Ilocos Sur Police Provincial Office, nangruna ni Officer- in-Charge Police Director Ysmael Yu ken dagiti sabali pay a pannakabagi ti linteg para iti naal-alisto a pannakarisut iti kaso inaig iti pannakatay ti asawa na.
Segun ken ni Fabro, makalawasen iti napalabas manipud idi naitabon ti asawa na ngem agingga iti agdama ket awan pay laeng ti pagdurdur-asan ti kaso.
Atapen na a nabuntog iti garaw ken imbestigasyon ti Sta. Maria municipal police station inaig iti kaso ti asawa na ta idi napan da sinaludsod nu ayan ti case folder ti asawa na ngem awan iti maipakita da.
Mainaig dayta, hustisya latta iti kiddaw ni Ariel para iti pannakatay ti asawa na.
-- ADVERTISEMENT --
