Pimmusayen ti menor de edad a nagmaneho iti motorsiklo a naaksidente iti Barangay Otol-Patac, San Ildefonso, Ilocos Sur.
Ti menor de edad ket lalaki nga agtawen iti sangapulo ket innem, agnaed iti nasao nga ili, minanehona ti maysa a Yamaha Mio Sporty.
Iti pannaki-uman ti Bombo Radyo Vigan ken ni PCAPT. Joseph Fieldad, mapapati a napataray ti biktima kas makita kadagiti nakaro a dunor iti nadumaduma a paset ti bagina ken awan pay ti helmet-na idi napasamak ti aksidente.
Innayon pay ni Fieldad a bulod laeng ti biktima ti motorsiklo nga inusarna.
Maipalagip nga agpapadaya ti motorsiklo idin ta nadungparna ti kayo ti kakawati nga adda barut nga aladna ket naipurwak iti bakante a lote iti asidegna.
Naipaagas iti ospital ti drayber gapu iti sinagrapna a dunor ngem saanen a naispal ken naammuan a nakainom idi maaksidente.
