VIGAN CITY – Kiddaw ni Cristina Pescador a live-in partner ti lalaki a napaltogan bayat a nakakurong-kurong idi Sabado idiay Brgy. Quezon, Cabugao, Ilocos Sur kadagiti nakakita a makitinnulong para iti pannakasapul dagiti nangpapatay ti biktima tapno maikkan iti hustisya.
Iti panagturong idiay Brgy. Cacandongan, San Juan ti Bombo Radyo Vigan ket pinasingkedan ni Cristina a saanna a ninamnama nga adu iti tama ti bala iti sinagaba ni Richard Vallejos Tayaoa ta idi naipadanon kenkuana a napaltogan ket maysa la a tama ti impagarupna ngem nakigtot idi naduktalanna nga umabot iti sangapulo.
Segun ken ni Cristina, sakbay iti papanaw ti ni Richard ket inarakupna pay isuda nga aggi-ina a kasla mangipasimudaag a maudin a gundaway a pannakakitada.
Aminado ni Cristina a nainaig iti panagtakawan idi kallabes ni Richard ta naibalud pay idin iti uneg iti pito a bulan.
Nupay nakaaramid idi kallabes iti maikaniwas ti live-in partner-na ket ammona a saannan nga inulit pay ti nagtakaw ta mabutengen ngem maladingitan ta nu adda iti mapukawan iti lugarda ket kanayon a maitudo ti biktima.
Maipalagip a bayat a nakalugan iti kurong-kurong ti biktima idi pinaltogan dagiti saan a nabigbig a suspek isu a naipan ti Suero General Hospital ngem naideklarar a dead on arrival.
VC – CRISTINA PESCADOR
