VIGAN CITY – Maysa nga special child ni Mark Jimber Pascua, agtawen iti duapulo ket tallo a nalmes iti karayan idiay Brgy. San Nicolas,Candon City ngem numan pay kasta ket ammona ti agsapul ken makatultulong met iti pamiliada.
Iti pannaki-uman ti Bombo Radyo Vigan iti ina ti biktima a ni Lydia Pascua, saan nga ammo ti biktima ti aglangoy ken impagarup dagiti kakaduana nga agang-angaw idi nagpaarayat.
Nakairuaman ti biktima ti sumursurot nga apan ag-reaper ngem idi kalman ket saan a nagpakpakada a napan iti natayan ket saan a maipasigurado ti inana no adda nangawis kenkuana a mapan agdigos iti karayan agingga a naitawag kadakuada a ti anakdan ti maar-arayat
Innayon ti ina ti biktima nga idi maibangkagen ket nalitemen ti rupanan numan pay pinadas nga isalakan dagiti rescue team sakbay a naitaray iti ospital ngem saanen a nakalasat.
