VIGAN CITY – Pinasingkedan ni P/ Lt. Rodel Ragasa, hepe ti Santiago municipal police station a ni Rene Rafanan Gorospe nga agtawen ti dua pulo ket siyam, construction worker nga agnaed idiay Barangay Banuar, San Juan a nakemmeg da iti buy-bust operation idi naminsan nga aldaw idiay Bigbiga, Santiago ket maysa a drug surrenderee ken karaman iti watchlist dagiti otoridad.
Mapan agilako iti iligal a droga idiay Santiago ni Gorospe idi inpakatan dagiti kameng ti Santiago PNP kadua da dagiti miyembro ti Philippine Drug Enforcement Agency iti buy-bust operation.
Naala kenkuana ti walo a heat sealed transparent plastic sachet a naglaon iti mapapati a shabu a ti maysa ket nagserbi a buy-bust item idinto a dagiti pito ket ikot ti suspek.
Mapatta-patta nga aggatad ti sangapulo ribo a pisos dagiti iligal a droga a naala manipud ti suspek.
Malaksid iti iligal a droga, naala pay kenkuana ti cellphone nga us-usaren na iti iligal a transaksyon, buy-bust money a lima gasut a pisos ken kwarta na a sangagasut ket uppat a pulo a pisos.
