VIGAN CITY – Imbingay ni alyas Cardo ti ili ti Magsingal no kasanu iti napasamak ken pannakaduktalna nga adda kabit ken kananaig ti asawana.
Iti pannaki-uman ti Bombo Radyo Vigan kenni alyas Cardo, impakammu kenkuana ti putot na nga adda ti kachachat ti inana ti social media ngem binagaanna dagiti putotna a saanda nga agpadpadlaw nga agipulpulong ida kenkuana ken nagururay ti gundaway nga iso ti makaduktal iti maiparit a relasyon ti asawana ti sabali a lalaki.
Sakbay ti pannakaduktalna ti pasamak ti asawa ken ti kabitna napan da agkalap iti oras ti alas tres ti parbangon ngem nadawel ti baybay iso a nagpakada kadagiti kadduana nga adda nabati na ken sublianna ti pagtaenganda.
Kabayatan iti panagsublida ti pagtaenganda sabalin ti marikrikna ni Cardo a kasla bumtak ti barukongna ken simbrek ti panunutna nga amangan adda ti maduktalanna.
Idi nalukanna ti ruangan nagdiretso isunan ti kwartoda ken linukatanna ti silaw nakitana nga adda ti kananaig ti asawana a sabali a lalaki a karrubada.
Timmakder ti lalaki a naglinged ti tugaw iso a dinanalapdan ti riknana ket kinabilna ti kabit ti asawana.
Nakakita ti gundaway ti asawana ken iti kabitna a timmaray ken nagturong ti pagtaengan ti lalaki nga iso ti nakakemmegan kadakuada ti PNP.
Ti agdama naipilan ti kaso nga adultery kontra ti asawa ni Cardo ken innayonnna a saanna a pulos a mapakawan ti asawana iti inaramidna ti pamilyada.
