Isagsaganan ti San Juan Police Station ti kasoa Reckless Imprudence Resulting to Homicide kontra iti nagmaneho iti trailer truck a nakaatal iti maysa a motorista idiay Barangay Bannuar, San Juan, Ilocos Sur.
Nabigbig ti drayber ti motorsiklo a ni Edwin Tabuno Peneyra, agtawen iti uppat a pulo ket siam, taga-Barangay Cacandongan iti nasao nga ili.
Ti met drayber ti trailer truck ket ni Aries Visaya Aquino, agtawen iti uppat a pulo ket dua, taga-Bacarra, Ilocos Norte.
Iti pannaki-uman ti Bombo Radyo Vigan ken ni Police Major Benjamin Raquedan, nakainom ti motorista idi agdaldalyasat iti kalsada ken sharp curve a paset ti kalsada ti nangovertakean-na iti trak.
Naawanan iti kontrol ti drayber ti motorsiklo iti minanehona a lugan ket naatalan daytoy ti trak.
Naitaray iti ospital ngem gapu iti nakaro a sinagrap ti ulona ket saanen a nakalasat.
Saan met a nadlaw ti drayber ti trak nga adda naatalanna isu nga idiay Santa pay laeng ti nakatiliwan dagiti pannakabagi ti linteg kenkuana.
