VIGAN CITY – Inlibak ni Jonathan Amay, kabsat ti biktima iti pammaltog a ni Markneil Amay, agtawen ti tallo pulo ket maysa, tricycle driver ken agnaed idiay Brgy. Salindeg, Vigan City a kukua ti kabsatna dagiti mapapati a shabu ken marijuana a naala dagiti otoridad kabayatan iti panagsukimat da iti uneg ti tricycle ken bulsa ti biktima.
Ti pannaki-uman ti Bombo Radyo Vigan ken ni Amay, naipabulsa laeng ken ni ading na dagiti shabu ken marijuana a naala kenkuana ngem aklunenna nga idi menor de edad pay laeng ti kabsatna ket agar-aramat iti maiparit nga agas ngem nagbalbaliwen idi naasawaan.
Innayon na a sa laeng rumuwar ti kabsat na nu mapan agbayad iti kuryente ta ay-aywanan na dagiti putot na.
Agsipud iti dayta, kidkiddawen ni Amay kadagiti adda ammo na iti pasamak a makikinnammayet da kadagiti otoridad tapnu maipaayan iti hustisya iti pannakatay ti kabsat na.
