VIGAN CITY- Ipa-deport ti Bureau of Immigration ti Indian national a nakemmeg iti buy-bust operation iti Tamag, Vigan City.
Nabigbig ti suspek a ni Mikkhil Arvindbhai Parmar, agtawen ti dwa pulo ket maysa, 2nd year medical student ti University of Northern Philippines ken tubo ti Gujarat, India.
Segun kenni Paul Versoza, immigration officer , inrekomenda nan ti deportasyon case idiay Office of the Commissioner ken kiniddaw na a mangiruar ti mission order tapno saan a makalibas ti suspek kalpasan nga agpyansa.
Sumango ti nagsina a kaso a deportation ken kaso a kriminal iti Indian national nga ipila ti bureau of immigration sabali pay iti ipila ti Philippine National Police
Inlawlawag ni Versoza a ti pannagipila da ti kaso ket wagas tapno saan a makaruar iti pagilian agsipud ta addan ti record na iti BI.
Inlawlawag met ni Dr. Mario Obrero, vice president ti office of the student affairs ti UNP , isolated case laeng iti napasamak ngem nupay kasta ket paingten ti UNP iti panangmonitor ken orientation kadagiti gangannaet nga estudyante.
Kabayatanna, pinatalgedan ni Supt. Marlo Castillo, hepe ti Vigan City Police, nga inpila dan ti kaso a panaglabsing ti section 5 iti Comprehensive Dangerous Drugs act of 2002 .
Nagpositibo pay ti iligal a droga ti suspek agsipud ta agus-urar ti marijuana kabayatan ti buybust operation.
Innayonna dagiti mismo indian students iti immasideg a nagpatulong kadakuada ta adda dagiti indians a mangpilpilit kadagiti kadaraan da kangrunaan dagiti freshman nga agusar ti marijuana
