Boluntario a simmuko kadagiti pannakabagi ti linteg ti hostage taker nga in-hosatge namaysa a menor de edad idiay Barangay Daddaay, Alilem, Ilocos Sur.
Iti pannakiuman ti Bombo Radyo Vigan ken ni PCOL Agosto Asuncion, nagpaut iti mano nga oras ti insayangkat dagiti otoridad nga operasion sakbay a natalged a naisalakan ti ubing.
Nadunor ti agsinnumbangir a saka ti ubing ken dagus a naipaayan iti first aid sakbay a naipan iti ospital para iti naan-anay a pannakatamingna ken addan iti natalged a kasasaad.
Mapapati a mentally incapacitated wenno mentally disturb ti suspek idi mapasamak ti insidente, nupay kasta, pinasingkedan ni Asuncion a dumalan daytoy iti medical examination tapno maammuan ti husto a kasasaad-na.
Karaman a nai-surrender ti tallo a bladed weapon pakairamanan ti dua a buneng ken maysa a kutsilyo a naaramat iti hostage.
