VIGAN CITY – Hustisya iti iyik-ikkis ni Engr. Ariel Fabro gapu iti pannakatay ti asawa na a ni Jonalyn Ecraela Fabro nga agtawen ti uppat a pulo a nasarakan iti bangkay na iti kamaisan idiay Barangay Suso, Sta. Maria a naburbor ti rupa na ken nakaibaba pay iti sapinna idi February 1.
Ti pannaki-uman ti Bombo Radyo Vigan ken ni Ariel, sakbay a nadamagna ti pannakatay ti asawana ket agpipinnatulodda pay laeng iti mensahe iti tumunggal maysa ken nakablaawanna pay laeng ti misterna iti panagkasangayna.
Ammo na a nalaing a makisugal ti asawa na ta idi naudi a nagbakasyon ket kinuy-kuyog na pay a napan naki-ay-ayam kadagiti natayan iti asideg na ngem idi nagsublin ket saan nan nga ammo nu a anya dagiti inar-aramid ti asawa na kabayatan iti kaawan na.
Innayon na a nalaka laeng a mautangan ni Jonalyn ngem saan na nga ik-ikkan iti interes dagiti ipautang na.
Nakasagana da a mangipaay ti gunguna kadagiti makaited iti impormasyon para iti nadaras a pannakasolbar iti pannakatay ti asawa na isu a iti kasapulan da nga aramiden.
